Naskah Teater Bahasa Banjar : Si Galuh Langkar Bakilat Bintang (part. 1)

 

Si Galuh Langkar Bakilau Bintang

Naskah drama Realis karya Arif Riduan 

Sebuah Naskah drama teater realis yang berlatang belakang pendulangan intan tradisonal di Kalimantan Selatan sekitar tahun 1960-an. Menggunakan alat seadanya-tradisional menggunakan linggang yang terbuat dari kayu ulin.

Setelah hampir beberapa bulan tidak memperoleh intan atau galuh kelompok pendulangan Amang Salam akhirnya menemukan Galuh yang begitu besar seperti telur ayam yang begitu berkilau dan indah, yang harganya ditaksir sekitar 20 triliyun.

Galuh itu dinamakan Si Galauh Langkar Berkilau Bintang. Saking mahalnya taksiran harga galuh tersebut mereka kesulitan untuk mencari pembeli dengan harga yang mereka inginkan. Sehingga galuh tersebut dibeli oleh Presiden dengan bayaran Naik haji sekeluarga, tanah, dan biaya hidup.

Ada pro dan kontra didalam kelompok amang salam, hingga pada akhirnya sepakat untuk menjual kepada presiden, dan naik haji sekeluarga ke mekkah. Namun sepulangnya dari tanah suci, janji diberikan tanah dan hadiah lainnya tak kunjung diberikan, entah mengapa, tak ada alas an apapun, seiring berlalu presiden pun berganti, janji tinggalah sebuah janji. Si Galuh Langkar Berkilau Bintang pun entah ada Dimana.

Dengan bangga kami .......

Diperankan oleh ..... 

Selamat menyaksikan  

Sinopsis pembuka teater

Galuh ... Uh Galuh, ayu am baparak, batimbul, satangharianan sudah kami malinggang sadang dah kita badapatan. Karing sudah rakungan handak meminum kupi, barang ai satiguk dua tiguk Han. Uh Galuh, Sadang sudah mancungul, gitir gitir sudah barandam di pandulanagan.

Galuh .. uh Galuh, dimapa habar, baik haja kalo lah, mudahan ada haja razaki hagan anak bini hari ini. Kutup kutupan sudah hati melinggang, kada sabar lagi kami handak batamuan. Sadang dah Galuh ai nah, Sadang, kada sa apa Sanja hari kada dirasa, isuk pulang ba asa.

Aja Galuh ai, mudahan isuk kita batamuan haja, sakira ganal kurihing anak bini baustilam Hanyar … 

Episode awal

( Suasana di sebuah warung teh kopi kue sederhana, disamping pendulangan intan. Warung yang biasanya tempat berkumpul istirahat para pendulang intan ketika tengahari. Pemilik warung bernama Acil Imay dan suaminya Amang Badri yang juga seorang pendulang intan )

(Sayup sayup suara musik lagu Banjar berjudul Halin karya M. Syukri Munas)

(Amang Badri datang kewarung setelah setengah hari mencari intan, membawa linggang nya. Linggang / palinggangan adalah alat untuk mencari intan , sejenis wadah untuk menyaring atau tempayan pasir pasir dan batu intan)

Badri : panas liwar hari ini, asa kadada awan lagi dilangit hagan menutupi matahari (sambil mengipas ngipas topi purun yang dipakainya, dijadikan kipas, dikipaskan ke muka)

Imay : ya panas salah, hujan salah jua,, sarabanya salah kita nusia ni ( sambil menyodorkan kopi kepada suaminya )

Badri : ya am umanya ai, samalam hujan samingguan ngalih banar begawian

Imay : hari ini pang abahnya kayapa, rami haja kah, linggangan hari ini 

Badri : linggangan rami ai tarus, tapi si galuhnya Nang Balum kalihatan

(Datang Syairil dan Wanto yang juga pendulang intan, salah satunya linggang, baju lusuh kotor bekas aktivitas pendulang intan)

Badri : nah ku kira kada beistirahatan buhan Kam ni, Pina sumangat banar kulihat dari pagi tadi malinggang

Wanto : ya am mang ai nah, Parak sabulanan dah kadada ulihan Galuh buhan kita ni, hutang sana sini dah di warung

Syairil : Jar amang salam Mun dua bulanan kada kulihan pindah lokasi aja jer kena

Badri : nah mana amang salam wan amang Iwan nya nih ? Kada umpatan Ka sini kah ?

Wanto : sudah Ulun bawai tadi, aja badahulu haja buhan Kam, tanggung jer Sidin badua

Imay : nginum apa nih ?

Syairil : anu cil, bulih kah bahutang lagi cil, asli karing lalu cil ai

Imay : Han kayapa yu lah, kada dihutangi, ya dasar bujur sunyi sabulanan ni pakulihan kadada, amun di hutangi ya ngalih banar memutar gasan modal. Gula sasar hari sasar balarang tarus. Tapi aja kada papa, sama pada sakit ni saling manolongi ja kita. Siapa tahu kena buhan Ikam dapat Galuh Nang kaya hintalu, jangan kada ingat lawan hutang

Syairil : nah sayang banar Ulun lawan Pian ni cil ai

Wanto : ai waninya ba sayang sayang, lakinya ada

Syairil : sayang sebagai apa dulu, sudah kaya kuitan Sorang Acil imai ni

Imay : lah, kada handak aku bisi anak kaya Ikam ril ai

Wanto : hahahahahahahahaha ... Dangari ril ai

Syairil : nasib ja lagi

Wanto : mang, ada jua kah galuh tu kaya hintalu ayam ganalnya

Badri : asa kada pernah ada pang , mun kaya hintalu ayam, mun kaya hintalu cacak ya ada ai 

Wanto : pian mun dapat galuh nang kayan hintalu ayam, gasan apa mang duitnya

Syairil : behh nyata dah babini pulang hahahaha

Imay : uhhh, kalo pina ku tatak nang di bawah tu, sabini bini

Badri : lah siapa jua nang handak babini lagi, saikung gen cinik kupala

Syairil : bagaya acil ai, jangan di masukkan kahati

Imay : kaya biasa kah nih ? ( Menanyakan pesanan)

Syairil : geh kupi haja cil ai, ganali akan cangkirnya

Imay : pakai ember kah ril sekalian?

Wanto : pakai baskom cil ai Nang taganal jer

Badri : handak minum kupi atawa mandi kupi kah nitu ?

Wanto : mandi buang sial mang ai

Syairil : nasib ja lagi

Badri : kayapa habar Si Amat laki Mayang tu ? Kadada talihat lagi melinggang

Wanto : bagus haja mang ai kadada lagi, culas jua inya tu bagawian. Ulun suah dulu tu malihat inya dapat Galuh, badiam haja inya. Kada di andaknya di bawa ikat, dikantongi nya ja diselawar ( sambil memperagakan ). Pas Bulik karumah, pas kadada lagi galuhnya di kantong salawar

Syairil : dari mana Ikam tahu to ?

Wanto : aku bahigaan lawan inya, pas talihat jua aku inya dapat Galuh dilinggangan, ancap menyimpan dikantong salawar. Handak mamadahakan lawan amang salam, kada wani aku kaluku tasalah kenanya. Dua hari imbahnya Hanyar kutakuni. Berapa payu jerku, adakah hak mata. Dipadahkannya ai hilang jer.. kadada lagi pas dicariin pas Bulik karumah

Badri : nah itu pang kepercayaan padatuan mulai bahari, kada bulih baculas lawan kakawanan sasama palinggangan. Amun dapat Galuh wajib di sholawati dan wajib di andak d bawah ilat, dalam muntung. Itu pang syaratnya dan mitosnya. Amun kada bisa hilang atawa jadi batu biasa barubah

Imay : ya kada saikung dua dah kejadian kaitu urang handak maakal, hilang galuhnya. Niat jahat. Tahu haja gawian tu basamaan bakalompok. Mun dapat tarasai barataan Mun maakal ya katulahan ( sambil menyodorkan kopi)

Badri : ya percaya kada percaya kaitu pang dah ajaran padatuan turun tamurun. Sholawat dan babacaan doa jangan tatinggal, sakira basukur, dan supaya lain tahu jua kalo kita dapat Galuh, di andak di bawah ilat supaya kada hilang dibawa katabing, kada boleh dikantongi

Imay : kada hanya itu, turun kah lubang tu kada bulih menyambat turun namanya, tatap di sambat naik, naik kalubang, sakira galunya naik, kada bulih jua bakacak pinggang dan basiul, apa lagi bakata kata Nang kada baik di linggangan maginnya ai Galuh kada mau baparak

Badri : sabuting Nang paling penting, kejujuran, kada meakali lawan kakawanan

Wanto : ya kaya Amat laki Mayang samalam handak maakali kawan pas ketahuan amang salam, hilang galuhnya, timbul kada bulih umpat malinggang lagi

(Tiba tiba terdengar suara nyaring bacaan sholawat, pertanda Galuh ditemukan dari arah pandulangan)

Salam : allahuma shaliala Sayidina Muhammad 3x

Iwan : Salim 

( Yang ada diwarung mencari sumber suara mengarah ke linggangan)

( Salam dan Iwan berlari sambil bersholawat ke arah warung tempat Badri dll berkumpul)

Salam : Alhamdulillah, Si Galuh, si Galuh, si Galuh (menunjukan intan permata yang mereka dapat kepada Badri dll, sebesar telur ayam )

Iwan : sugih kita sugih !!, tujuh turunan sugih kita

Badri : bujur kah ini Galuh sa ganal ini, saumur umur hanyar ini malihat Galuh saganal hintalu, hanyar kami kuya tadi, galuh saganal hintalu ayam

Salam : aku sudah ada pirasat sebenarnya dah makanya tadi penasaran banar, aku haja handak Siup malihat , raum dah, handak tinggalam, untung ada Iwan Nang majambakan , Jaka takada tanggalam lawan si Galuh ni

Syairil : ini ganal banar, Mun di jual, berapa ini mang ?

Badri : masalah barapanya itu pasti dah banyak banar duit nya, tujuh turunan kada habis kita mamakan duitnya, tapi ada kada Nang Kawa menukari Galuh Nang singgalan ni

Salam : nah itu jua Nang ku takutan akan Badri ai, singganalan kaini siapa Nang menukari

Badri : Wanto iril lakasi Ikam badua habari Haji Kasman, padahi kita dapat Galuh, kalo inya Kawa menukari atawa manjualakan galuh ni ( Wanto dan iril pun berlari keluar set panggung, bergegas )

Imay : nah nah. Salumputi pakai kain kuning ( sambil menyodorkan kain, dan intan pun diletakkan di kain kuning di pegang oleh salam)

Salam : kada yakin aku kalo haji Kasman Kawa manukari Galuh ni

Iwan : barapan taksiran Ikam bad ? Galuh saganal ini ?

Badri : kada Kawa mengira aku ni, pokoknya larang banar ni

Salam : di kira kira haja bad, Ikam paling paham masalah bajual Galuh ni, sekira Kawa jua kita menawarkan

Badri : Sapuluh Teriliun pang kayaknya ni, Mun saganal ini

Iwan : sa apa banyak duit Sapuluh Teriliun tu bad ?

Badri : sakampungan Kawa kita naik haji, itu gen kada habis duitnya masih

Salam : Masya Allah, jadi urang sugih jua kita sekalinya lah ( terharu )

Badri : ada kada yang Kawa menukari Sapuluh Teriliun ni ? Itu masalahnya

Iwan : atau kita pacah haja halus halus kita bagi pacahannya

Salam : masuk akal pang

Badri : Amun di pacah lima kita bagi Kawa jua pang, tapi Mun bahalus makin bamurah banar harga galuhnya, jatuh harga

Iwan : tatimbang kadada Nang Kawa menukari, bahujung hilang wara galuhnya

Salam : jangan kaitu Ikam bapandir, pamali bapandir kaitu di pandulangan, bapaik apik muntung tu

Badri : aja kita tunggu haji Kasman dulu kayapa baiknya, tapi Mun di pacah kayaknya aku kada setuju pang

Salam : iih , jangan dipacah, kaina kaina balum tantu ada kena yang saganal ini

Badri : eh kada boleh bapandir kaitu, pamali, mun Tuhan bakahandak ganal pada ini gen ada haja

( Wanto, Syairil dan haji Kasman pun datang, terlihat terburu buru, dan salam pun memperlihatkan hasil dulangannya)

Kasman : saumuran ini Nang paling ganal Galuh Nang ada kulihat, paling ganal sadunia kayaknya ni jua

Kasman : sa apa handak buhan Ikam jual ?

Salam : Sapuluh Teriliun ji ai..

Kasman : astaga, bujurankah Sapuluh Teriliun?

Salam : iih, kanapa ji, kalarangan kah ?

Kasman : ini Mun Sapuluh Teriliun kamurahan !, Mun saganal ini payu 20 Teriliun !

Salam : hah ! 20 Teriliun? ( Salam langsung pingsan, dan galuhnya di pegang oleh haji Kasman)

Iwan : Siup pulang, tadi handak siup jua di linggangan, untuk sawat kun jamba

(Tak lama kemudian salam pun terbangun lagi, disadarkan oleh kawan kawan dan meminum air)

Episode siuman 

Kasman: tapi lah, siapa Nang Kawa menukari 20 Teriliun ni ? Kamana menjualnya ?

Badri : nah itu kayapa ji menurut Pian ?

Kasman : kena aku mikirkan jua, ku Surati kena bubuhan bos bos panukaran intan, adakah Nang beisi duit sanggup manukari 20 Teriliun 

Iwan : Amun kadada di pacah haja, lakas jualannya

Kasman : iih bujur pang, lakas Kawa menjual, lakas tarasai duitnya, tapi jatuh banar harganya Mun sudah tapacah, ini intan paling ganal seduniaan bujuran to, kadada pernah ada intan saganal ini

Badri : Aur handak di pacah ja Iwan ni dari tadi

Salam : menurut buhan Kam badua kayapa ni ? (Bertanya pada Wanto dan iril )

Wanto : kami tasalah Nang tatuha haja, umpat haja kami ni

Syairil : geh umpat haja kayapa kah, siap haja, kada sabar lagi ulun jadiburang sugih

Kasma : kaini haja, simpani haja baik baik Galuh ni, jangan sampai hilang, aku sambil mahabari kolektor dan bos bos Nang di pulau pulau Jawa sana, tapi sabar kada Kawa capat, Nang penting simpani bujur bujur, mudahan lakas kaitu haja. Soalnya kada gampang bajual Galuh saganal ini, bisa babulan bulan, simpani bujur bujur.

Salam : geh aja ji, makasih banyak dulu ji, lah, kabari kena Mun sudah ada

Kasman : eeh, aja lah, aku baulah surat surat dulu gasan menyurati buhan kolektor

Salam : ini ku simpani dulu lah, mun ada nang handak malihat, kada usah kutampaikan gen lah mun sakadar malihat aja, insya Allah aman haja, mun ada nang bujur bujur handak manukari hanyar ku ungkai, dan kada usah bahabar kasana kamari, ngalih kena kalua da nang baniat jahat

Badri : aja, selajur ai bulikan kita jua, sadang dah

(semua keluar set panggung, kecuali Badri dan Imay Kembali ke warung dan lampu redup gelap)

Episode penjualan

(satu bulan kemudian, baju ganti, Pendulang intan berkumpul seperti biasa di warung Acil Imay saat tengahari istirahat dari aktivitas pendulangan )

Salam : ada jua kah habar dari haji Kasman ? Parak sabulan dah ni, kadada habarnya Nang Kawa manukari 20 triliun

Badri : ada ai semalam haji nya mahabari, ada urang penjual batu mulia jua, handak manukari 2 triliun ja Kawa nya, Mun hakun ditukarinya wahinian jer, bos dari jawa jer

Salam : ada ai jua hajinya manyambat kaitu lawan aku 2 triliun jer, asaanku kamurahan banar pang Mun Galuh saganal ampun kita ni, taksiran kita ja 10 triliun, malah jar haji kasman 20 triliun, nah jauh banar mun 2 triliun haja, basabar ai dulu

Iwan : Jaka jual haja, malaran hagan batutukar pakakas, 2 triliun tu gen kada sedikit bagi belima masih banyak banar duitnya, tuhuk mahabisakan,, Kawa nukar rumah, nukar tanah, naik haji, tabungan jua, katimbang kaini nah, kadada habarnya lalalu bahujung hilang haja galuhnya, labar am, luput barataan

Salam : Ikam jangan kaitu, apa maksud Ikam menyambat bahujung hilang, Ikam curiga aku kah mahilangakan atau me ambil Sorang ?

Iwan : lah kadada menyambat kaitu aku, jar aku tadi bahujung hilang, Mun kada di jual jual, kada saikung dua dah di kampung ni bapadah kahilangan galuh, padahal dihantup sorangan

Salam : sama ai Ikam menyambat aku !, ni aku jua Nang bulihi Galuh ni !

Iwan : eh , kada ingat kah Ikam, Ikam handak SIUP tinggalam di pandulangan, aku Nang menjambanya, galuhnya ku selamatkan jua, Jaka kada kuselamatankan apa ? Ikam mati galuhnya hilang

Salam : apa kahandak Ikam wan, mulai sumalam dah badiam ja aku ?

Iwan : kahandak Ikam ja nah apa ? ( Saling dorong, mau berantem, di lerai oleh Badri )

Badri : kasi bakalahi ja, Amun Kawa babunuhan ja buhan Kam badadua ni, nyaman Matian, kada jadi buhan Kam tarasai jadi urang sugih ( Badri kesal ) ( Syairil memegangi Iwan dan Wanto memegangi salam )

Salam : biar aku mati, kada papa, dari pada aku dituduh tuduh Nang kada kada

Iwan : aku kadada menuduh, tapi Mun dibawai bakalahi, haram bagiku baindah !

Badri : aja bakalahi sana, Syairil Wanto, ambilkan parang sabuting Sorang, biar ja buhannya ni batimpasan, lapas ! Biar haja buhannya bedua ni bakalahi ( kesal ) ( salam dan Iwan mulai tenang )

Badri : maka sudah sejak awal kita sepakat sa apa Nang di dapat, siapa pun Nang mendapatkan Galuh tatap kita bagi rata balima, kaitu kalo, kadada siapa dapat, siapa Nang dapat itu Nang menguasai atau paiyanya, kita sama, bahujan sama sama bahujan, bapanas sama Tia bapanas jua. Tajual haja baluman lagi sudah baabutan. Sabar sabaratan sabar, sabaratan kit ani tuhuk dah hidup sakit, sabar satumat lagi kita jadi urang sugih, sabar

Badri : ayu dah bamaafan ( Iwan dan salam bersalaman saling me maafkan )

( Merekapun duduk menikmati minuman teh dan kopi lagi di warung Acil Imay, tidak lama kemudian muncul lah haji Kasman )

Kasman : assalamualaikum,

Semua : waalaikum salam

Kasman : nah pas banar, takumpulan barataan, ada Nang handak aku pandirakan

Salam : duduk ji duduk dulu 

Imay : minum apa Pian ji ?

Kasman : kupi haja may ai

Badri : apa tadi kisahnya ji ?

Kasman : kaini nah, apa semalam nama galuhnya ?

Salam : kami menamai Si Galuh Langkar Bakilau Bintang pang,

Kasman : panjangnya namanya

Badri : saking himungnya kami dapat si Galuh Langkar Bakilau Bintang ni ji ai. Jadi kaitu namanya, supaya bungas, babarkat

Kasman : ada kah Nang menawar langsung lawan buhan Kam ?

Badri : kadada ji ai, Mun batakun takun handak malihat bandanya banyak ai, kutakuni barapa kira kira manawar kadada menyahut barapa, jadi kada aku tampaikan ai

Kasman : eeh bagus ja, Mun urang urang sini ha manawar paling larang 500 milyar itu gen bakumpulan jua kayaknya inya lawan Nang lain, bapatungan

Badri : jadi kayapa ji?

Kasman : masih nang sumalam jua, bos dari Cina, tapi badiam di jawa inya, manawar 2 triliun, murah pang tu kamurahan, tapi mun buhan ikam hakun langsung labuh inya ka banjar,anu ni ini ada pang haba hanyar dari presiden 

Badri : presiden ?!

Kasman : iih, sumalam ada pang aku dapat surat dari presiden, mengenai Galuh tu ?

Salam : bujuran presiden kah ?

Kasman : iih bujuran nah nah, suratnya, ini tanda tangan Presiden, bahwa kaina presiden kena yang menukari Galuh nya

Iwan : barapa jer ji ?

Kasman : nah ujar surat ini sekitaran hari ini pang datangnya, tadi ada pejabat datang karumahku kalu hari ini menteri Hermansyah handak ke pandulangan kita ni malihat galuhnya, soalnya Mentri Hermansyah diutus oleh presiden gasan menindaknlanjuti pembelian Galuh Langkar ni

Badri : lam, ambil gen dulu galuhnya, bawa ke sini, amun bujur hari ini paling satumat lagi sampai mentrinya ke sini berarti, ambil ja dulu kita tampaikan, mudahan ada rezekinya kita 20 Teriliun

Salam : Wanto, iril ganii aku me ambil Galuh nya (merekapun keluar set panggung )

( Tidak lama kemudian, datang dua orang menteri dan ajudan ajudannya. Ke warung Acil imai )

Menteri 1 : assalamualaikum, selamat siang bapak bapak sekalian

Semua : waalaikum salam 

Badri : ini bapak Mentri kah ?

Menteri 1 : betul sekali, Saya Hermansyah dan ini pak Mentri Agus Suyono, kami berdua diutus untuk bertemu Pak Salam ketua pendulang intan yang katanya dapat intan yang besar seperti telur ayam, apakah benar ini tempatnya pak salam

Badri : beetulll pak, , ketua kelompok pendulangan disini pak salam, beliau sedang menuju kesini, tadi mengambil galuhnya dulu

Menteri : nah ini surat tugas dari presiden silahkan dibaca dulu (sambil menyerahkan surat)

Badri : Ji, baca pang ji, Ikam tapaham pada kami masalah Nang kakaini ni, (menyerahkan surat ke haji Kasman, dan dibaca bersama sama di warung)

Kasman : Salam sejahtera, saya presiden Republik Indonesia, dengan benar mengutus dua Mentri negara, Mentri Hermasyah dan Mentri Agus Suyono, untuk melihat Intan yang telah diperoleh para pendulang di Kalimantan Selatan, yang dikabarkan sebesar telur ayam atau sekitar 200 karat dan selanjutnya negara akan membeli dan memberikan hadiah terhadap intan tersebut. Dan untuk selanjutnya akan diproses oleh Mentri yang saya urus. Tertanda Presiden Republik Indonesia. (setelah dibaca, disimpan lagi oleh Menteri)

Menteri 1 : nah itu rencananya pak, intan itu akan dibeli oleh negara, menjadi aset negara, akan tetapi akan dibeli dengan sesuai dan sepadan dengan harganya. Boleh kami untuk melihat Intan tersebut

Badri : boleh pak, nah nah itu sudah datang yang membawa Galuhnya ( salam dkk datang membawa galuh )

Menteri 1 : Galuh ?

Badri : betul pak kami menyebutnya Galuh, sebutan seperti panggilan puteri kesayangan, sebab kami percaya jika dipanggil selain Galuh , batu mulia itu bisa berubah jadi batu biasa pak kalua tidak di panggil galuh

Menteri 1 : owh Galuh ( mereka memperlihatkan Galuh kepada menteri, dia terkagum)

Menteri 1 : seumur umur baru kali ini saya melihat batu mulia sebesar ini

Salam : Galuh pak 

Menteri 1 : nah iya Galuh , indah sekali berkilauan seperti bintang bintang dilangit

Salam : makanya kami namai Si Galuh Langkar Bakilau Bintang

Menteri 1 : berapa Galuh ini mau di jual ?

Salam : 20 Teriliun pak 

Menteri : memangnya uangnya nanti buat beli apa, jika Galuh ini terjual

Salam : naik haji pak

Badri : beli tanah yang luas pak

Iwan : bikin rumah, dan ditabung buat anak cucu pak

Menteri 1 : jika bapak bapak berkenan, kami akan beli Galuh ini, dengan bayaran Menaik hajikan bapak bapak beserta semua keluarga bapak semua 

Salam : naik haji satu keluarga pak ?

Menteri 1 : ya semua keluarga bapak bapak kami naik haji kan, kebetulan negara punya visa undangan dari kerajaan dari Arab Saudi yang bisa kami pakai buat bapak dan ibu naik haji tahun ini juga

Badri : untuk tanah pang pak dimapa , dibari jua lah kami tanah?

Sambung part 2