Naskah Teater Bahasa Banjar: Kuyang Di Kampung Tugul (part. 1)

 

Kuyang Di Kampung Tugul

Naskah Teater Bahasa Banjar

Karya Arif Riduan

Sinopsis Awal

GURING GURING ANAKKU GURING

DIGURINGAKAN, DALAM AYUNANAN

ANAKKU PINTAR, DISURUH GURING

MATANYA KALAT, DALAM AYUNANAN

ZAMAN SUDAH CANGGIH, KADA PERLU LAGI MANGAJI BUNGAS

KADA PARLU LAGI MANGAJI SUGIH, WAN KADA PARLU LAGI MANGAJI TAGUH

BANYAKI DUIT, CANGKAT CANGKAT BACARI SAKIRA HIDUP KAYA URANG JUA. LAMUNNYA BANYAK DUIT KAWA PERAWATAN SUPAYA BUNGAS, KADA PARLU BAHAHARATAN BATATAGUHAN GASAN BAKALAHI, BANYAKI JA BISI DUIT, MUN BANYAK BAISIAN DUIT MUSUH GIN BACIUM TANGAN

...

Dengan Bangga Kami ......

Mempersembahkan Teater yang berjudul KUYANG DI KAMPUNG TUGUL karya Arif Riduan, dengan para pemain ................. selamat menyaksikan 

(Tepuk tangan )

Set panggung

Urutan dari kiri : 

Rumah Jenifer – Pos Ronda _ PKL cofe – Rumah Dimas - Rumah Pak RT

Episode Pos Ronda

Suasana malam, orang orang sudah berada didalam rumah untuk istirahat, kecuali beberapa warga yang lagi ronda dan penjual cofe. Sambil memainkan gitar 3 orang warga berkumpul dan 1 penjual kopi (angkringan/warung/dsb). di pos ronda ada tertempel selebaran para calon ketua RT yang nanti akan mengikuti pemilihan ketua RT yang baru.

Salim : calon ketua RT jua ikam lah

Dimas : eeh, jangan kada ingatlah bulan depan pilih aku ketua RT nang hanyar

Cafe : apa gerang dulu visi dan misi ikam mun kaina jadi RT

Dimas : Pokoknya baurusan nyaman, ditamui nyaman, akuntabel dan transparan

Cafe : berat pang saingan ikam, Pak Hasan nang sudah jadi RT 3 periode, berat petahana

Dimas : nah itulah demokrasi, amun inya haja nang becalon sorangan kada rami pulang pemilihannya

Salim : iih bujur pulang, mun besesaingan ini rami, anggap ja pemilihan pereseden

Dimas : memilih siapa kena ikam Lim, pilih aku lo ?

Salim : tergantung serangan pajarnya kena

Cafe : beh jua ikam kira bubuhan caleg kah ?

Salim : eh siapa tahu ada,,

( Dimas mengambil gitar yang ada di pos, kalo tidak ada gitar bisa diganti radio)

Dimas : ........ (Bernyanyi)

Salim : ....... (Ikut bernyanyi)

Cofe : eh eh eh ! Jangan talalu nyaring, tu Jenifer beanakan halus, hanyar baranak

Dimas : iih ampihan dah benyanyian, kasian Jenifer kalu anaknya manangis, inya sorangan haja hidup, kasian banar, hanyar batianan 5 bulan maninggal dah lakinya

Salim : aku hakun ai lawan Jenifer tu

Cofe : iih Ikam hakun, jenifernya yang kada hakun, hahaha ( Dimas ikut tertawa)

Dimas : ada sunyi banar malam ini nah, kadadaan urang, biasanya rami haja

Cofe : ya, biasanya rami jua kopiku nih, ni takana sunyi banar, Pina hawai, handak tutup ai aku nah, ditunggui kadada jua Nang manukar, paling Ikam berdua Nang nukar, tapi bahutang

Salim : aku cash lahh .. kada bahutang

Cofe : ya ai cash, tapi cashless, artinya bayar kaina ( sambil memberesi jualan, mau tutup)

Dimas : malam Jumat sekalinya malam ini lah, tapi asa Hawai pada malam Jumat biasanya, asa aneh

Salim : iih, mulai tadi asa merinding aku jua, Cagatan bulu kuduk, kaya ada Nang liwat tu

Cofe : itu ja takutan

Salim : kadada takutan aku

Dimas : bohhhhh ... Mun ada hantu, paling bukah badahulu

Salim : ingat kada Ikam, dahulu pas kita jaga jua, diujung Parak kuburan tu ada pocong, Ikam Nang bukah badahulu

Dimas : tapi Ikam umpatan bukah jua

Salim : yaa pas takana giliran jaga lawan Ikam ni, aur tatamu hantu haja, jakanya tatamu jablay kah nyaman jua ada Nang di kulai

Dimas : kadada jablay di kampung kita ni, adanya dikampung Mukung, kampung sabalah

Salim : Bayar jua

Dimas : mana ada jablay yang gratis

( Asik membereskan jualan, penjual cofe melihat sosok terbang berwarna merah di ujung dekat rumah pak RT )

Cofe : eh eh, apa tuh habang habang tarabang, coba lihati (terkejut)

Dimas : astaghfirullah, kuyang itu, sah dah kuyang (terkejut takut)

Dimas : Lim, Lim ambil wacuh Lim

Salim : Gasan apa ?

Dimas : Kuyang tu Mun di Kawai pakai wancuh kayu inya gugur

Salim : oke ! ( Salim berlari keluar set panggung, mencari centong nasi)

Cafe : inya baparak, kayapa nih.. pacang dimakannya kita

Dimas : ..... ( Takut sembunyi)

Cafe : lawasnya Salim mencari wancuh

Dimas : ka Irak kalo inya meambil

(Salim datang membawa wancuh plastik, kuyang masing melayang layang mengala seram)

Salim : ...... ( berani berani takut -Mengawai kuyang dengan wancuh)

Dimas : astaga, itu wancuh plastik mana mau gugur, urang tu wancuh kayu

Salim : Ikam bepadah wacuh haja, kadada bepadah wancuh kayu

Salim : hadang kucarikan lagi (keluar set panggung)

( Dimas masih ketakutan sembunyi sembunyi berani berani takut, sedangkan cofe ketakutan sambil membereskan dan menutup jualannya)

Cofe : aku Bulik haja sudah nah (lari keluar set panggung)

Dimas : bungulnya, Bulik badahulu inya, kada mehadangi Salim kah ?

Cofe : kada, babungulan mehadangi Salim, baik Bulik aku, kalo Pina dimakan kuyang

(Cofe lari keluar set panggung, kuyang seakan makin mendekat, Dimas pun lari keluar set panggung. Kuyang pun meredup dan hilang, tidak lama kemudian Salim datang membawa wancuh kayu)

Salim : nah nah nah, wancuh kayu, maaf lawas tadi wancuhnya kubasuh dulu 

Salim : lah manaan buhannya tadi, waluh banar

(Wajah menatap kesana kemari, sambil ketakutan dengan kuyang tadi yang kini sudah hilang entah kemana)

Salim : dimakan kuyang saku buhan yang berdua tadi (takut dan mencari teman)

Salim : ya ai dah . Di makan kuyang buhannya ini, maka Dimas calon RT, stumat lagi pemilihan RT, kadada calonnya seikung, kada rami am ( takut, lalu lari keluar set panggung)

( Lampu perlahan redup dan gelap )

Episode Pagi

(Suasana pagi hari, beberapa ibu ibu sedang asik memilah milih sayur dari pedagang sayur yang bejualan di depan pos ronda menggunakan sepeda/ gerobak)

Miyah : uy tahu lah habar malam tadi, bubuhannya nang jaga melihat kuyang

Siti : iih laki ku Nang melihat malam tadi, si Dimas

Miyah : kuyang ni biasanya mencium darah ari ari lalu inya muncul

Siti : iya kah, cucuk ai, tu Jenifer imbah baranak kalo, bisa inya mencari Ari Ari nya

Aluh : gasan apa inya makan Ari Ari ?

Miyah : itu gasan Mangaji bungas wan mengaji sugih, jadi kuyang itu bujur haja Pina seram muhanya pas jadi kuyang, tapi pas sudah jadi manusia inya bungas banar liwar mancarunung, duit kada bahabisan

Aluh : yg kaitu kah, Mangaji bungas sekalinya lah, gasan apa bebungas bungas ?

Siti : inya sekira dipandang bungas pang, sekira laki kada kelain, supaya disayang laki, supaya di puja puja disambat bungas lawan urang lain. Supaya laki inggih pun haja lawan inya, tunduk. Duit kada bahabisan. Emmmmmhhh kam

Aluh : tapi makan Ari Ari lah syaratnya, seram banar, marigat ha pulang

Siti : iih itu pang syaratnya harus makan Ari Ari urang Hanyar baranak, Mun kada dapat ya paksa inya harus maisapi darah urang yang haratan guring tu, makanya ada Lo rancak biru biru diawak imba. bangun guring, nah itu tanda di igut kuyang

Aluh : aku rancak ai kaitu, di tambaha biru biru

(Sambil melakukan jual beli sayur)

Miyah : berarti di kampung kita ni ada kuyang, soalnya aku suah jua biru biru imbah bangun guring, padahal kada beapa apa, timbul biru biru ja paginya

Siti : lawas dah handak kukisahkan ini nih, aku gen sebenarnya rancak jua melihat kuyang tarabang Parak rumahku, aku koler Tumbur banar ai, pas malam tadi banar ai urang malihatan jua . Lalu ai aku handak bakisah, rahasia banar tapinya

Miyah : pinandu lah Ikam siapa Nang jadi kuyang tu

Siti : kada tapi jelas jua pang muhanya, soalnya seram banar, kada wani mencangangi aku, tapi imbah Parak rumah ku, hilang kuyangnya model kaya turun tuh. Tapi muhanya asaanku mirip lawan urang Nang di kampung kita nih

Aluh : hah siapa ( terkejut )

Miyah : astaga, siapa urangnya ?, hakunnya jadi kuyang

(Pedagang sayur keluar set panggung)

Siti : kada nyaman pang sebenarnya bakisah, kalo Pina jadi fitnah, apalagi Nang kumaksudnya urangnya cukup terpandang jua di kampung Tugul ni

Aluh : hah siapa, kisahkan ja kada papa, demi kebaikan kampung kita jua

Siti : ya am, lakiku gen Pina menggaringg jua ni dirumah, imbah tatamu kuyang malam tadi, kapidaraan saku inya, kasian

Aluh : siapa nahh, penasaran aku, nyaman kita suruh bejauh aja pada kampung ni

Siti : buhan Ikam tahu haja kalo, Nang paling bungas mancarunung di kampung kita ni siapa, Nang laki nya inggih inggih haja lawan inya, dan urang nang paling baharta di kampung kita ni siapa., galang amas basapai, Nah itu tu urangnya

Miyah : Bini pak RT kah, si Mariam ?,, mancarunung banar pang inya wahini, aku sakalas waktu SD dulu ada biasa ai muhanya, muring kakaya aku ai, tapi wahini Pina glowing banar, putih bungas mancarunung

Aluh : iih dan lakinya inggih pun haja lawan Mariam tu, apa apa ujar bininya di turuti oleh lakinya, inggih inggih pun haja inya. Dimamai gen badiam pak RT tu

Siti : tahu lah buhan Ikam, waktu aku karumah inya semalam ada Nang di urus, kada sengaja aku melihat si Mariam tu kda bejilbab, tahu lah digulunya tu ada bakas habang melingkar digulunya tuh, model kaya bakal panggalan tu ( sambil memeragakan telunjuk ke leher melingkar )

Siti : dikasai minyak kuyang digulu sekalilingan, imbah tu lapas pada awak gulu wan paparutannya, jadi ai kuyang, mancari ari ari

Aluh : sah dah kuyang si Mariyam tu, Mun ada bakas balahannya tu

Miyah : cucuk ai kamana mana pakai jilbab Nang lebar wan kandal, sekira menutupi bakas balahan jadi kuyang sekalinya

Siti : nah itu, dahulu seingatku inya tu kada bekarudung, wahini bakarudung tarus, jarang keluar rumah ha pulang

(Lalu keluarlah pak RT dan istrinya Mariyam dari rumah, didepan pintu mereka berbincang, sebab suaminya mau pergi ke kota untuk membeli sesuatu)

Bersambung part. 2